Лукашэнка прыняў з дакладам свайго спецпасланніка Шэймана

Гаворка ішла не толькі пра Афрыку.

Дыктатар Аляксандр Лукашэнка 21 верасня прыняў з дакладам свайго спецыяльнага пасланніка Віктара Шэймана.

Лукашэнку далажылі «аб рэалізацыі шэрагу праектаў, звязаных з рэальным сектарам эканомікі і развіццём новых высокатэхналагічных накірункаў».

Яшчэ адна ключавая тэма дакладу — праца па развіцці супрацоўніцтва Беларусі з краінамі Афрыкі. Лукашэнка «пацвердзіў высокую зацікаўленасць у далейшым замацаванні пазіцый Беларусі на перспектыўных рынках краін Афрыкі, дзе ўжо знойдзены шэраг апорных кропак», — піша прэс-служба дыктатара.

«Да Афрыкі ў найбліжэйшы час мы яшчэ ўважлівей будзем прыглядацца. Ты ведаеш, што такое Афрыка для любой краіны. Тым больш для нашай», — заявіў Лукашэнка.

Віктар Шэйман лічыцца адным з галоўных куратароў беларускіх праектаў у Афрыцы і Лацінскай Амерыцы. Раней ён займаў пасаду кіраўніка спраў Лукашэнкі. У 2021 годзе ён пайшоў у адстаўку. Лукашэнка папрасіў былога падначаленага «далёка не сыходзіць» і «ўзяць на сябе» Кубу, Венесуэлу і «хвасты» ў Афрыцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com