У Кітаі двух генералаў выгналі з арміі і партыі за нелаяльнасць

Зараз яны знаходзяцца пад следствам.

Намеснік старшыні Цэнтральнага ваеннага савета КНР Чжан Юся і член ваеннага савета, начальнік Аб'яднанага штаба Лю Чжэньлі выключаныя з шэрагаў Камуністычнай партыі Кітая (КПК) і Народна-вызваленчай арміі Кітая (НВАК). Пра гэта піша Reuters.

«Палітычныя і эканамічныя правапарушэнні перапляталіся, а карупцыйнае самазбагачэнне суіснавала з нявыкананнем службовых абавязкаў і злоўжываннем службовым становішчам», — паведаміла Палітбюро пасля пасяджэння пад кіраўніцтвам Сі Цзіньпіна.

Расследаванне ў дачыненні да генералаў пачалося ў студзені. Напрыканцы жніўня генералаў вывелі са складу Цэнтральнай ваеннай камісіі. Генералам ставіцца ў віну адыход ад лініі КПК, стварэнне клікаў і фракцый, няздольнасць забяспечыць строгую партыйную дысцыпліну, нагляд за персаналам і членамі сем'яў, а таксама карупцыя. Агенцтва адзначае, што Чжан Юся быў адным з нямногіх афіцэраў з рэальным баявым досведам і доўгі час лічыўся набліжаным Сі Цзіньпіна.

З моманту прыходу да ўлады ў 2012 годзе лідар КНР Сі Цзіньпін ініцыяваў адну з самых маштабных у сучаснай гісторыі краіны кампаній па барацьбе з карупцыяй і парушэннямі дысцыпліны. Мільёны супрацоўнікаў бюракратычнай сістэмы Кітая трапілі пад следства, былі выяўленыя і зачышчаныя дзесяткі высокапастаўленых партыйных, урадавых і ваенных чыноўнікаў. У апошнія гады чыстка адбываецца ў асноўным сярод вайскоўцаў. У выніку з сямі сябраў папярэдняга ваеннага савета засталіся толькі дзве актыўныя фігуры, уключаючы самога Сі Цзіньпіна, падлічыла Reuters.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com