Польшча адкрые новы будынак пасольства ў Мінску

Радослаў Сікорскі сустрэўся з міністрам замежных спраў Беларусі Рыжанковым.

Кіраўнік МЗС Польшчы Радослаў Сікорскі пацвердзіў, што сустрэўся ў Нью-Ёрку на палях Генеральнай Асамблеі ААН з міністрам замежных спраў Беларусі Максімам Рыжанковым.

На пытанне, ці сапраўды адбылася такая сустрэча, Сікорскі гэта пацвердзіў. Ён адзначыў, што ў ААН сустракаецца з некалькімі дзесяткамі міністраў замежных спраў, піша onet.pl.

— ААН — гэта нейтральная тэрыторыя, — сказаў ён, падкрэсліваючы, што ў сувязі з гэтым тут можна сустракацца і з прадстаўнікамі тых краін, з якімі адносіны не абавязкова наладжаныя ў іншых кантэкстах.

— Гэта першая, азнаямленчая сустрэча, але адбываюцца таксама сустрэчы іншых ведамстваў, на іншых узроўнях. Неўзабаве мы адкрываем новы будынак пасольства ў Мінску, — сказаў Сікорскі.

На пытанне пра ход сустрэчы і пра тое, якія тэмы абмяркоўваліся, Сікорскі сказаў, што сярод іх была, у прыватнасці, сітуацыя на мяжы, а таксама сітуацыя з рэгіянальнай бяспекай.

На пытанне, ці прасіў ён, каб Беларусь не дазваляла Расіі прапускаць праз сваю тэрыторыю беспілотнікі і ракеты, ён адказаў: «У тым ліку».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com