«Фронт прарваны на 9 км, лагістыка акупантаў руйнуецца»
- 28.09.2026, 8:38
- 2,400
Што адбываецца пад Ліманам пасля наступу ЗСУ.
Украінскія войскі прасунуліся амаль на 9 кіламетраў усходней Лімана, прымусіўшы падраздзяленні акупантаў адступаць у напрамку Крамяннай і Рубежнага. На гэтым участку фронт фактычна рухнуў, а расійскія войскі знаходзяцца ў найскладнейшым становішчы. Гэтую інфармацыю пацвердзіў у X яшчэ адзін вайсковы аналітык — OSINT-даследчык Tte.Dan.
Паводле яго звестак, паўднёвей Лімана ЗСУ прасунуліся прыкладна на 8 кіламетраў і ўсталявалі кантроль амаль над усёй лясной зонай у напрамку Торскага. Таксама ўкраінскія сілы вярнулі Дыброву і Піскуноўку. Паводле ацэнак аналітыка, баі за Дыброву працягваліся каля 10 месяцаў.
У Ямпалі, як сцвярджае аўтар, украінскія вайскоўцы вярнулі кантроль над паўднёвай часткай населенага пункта і пачалі наступ у напрамку Торскага з некалькіх бакоў. У выніку расійскія войскі адышлі з большай часткі буйнага выступу паўднёва-ўсходней Лімана і спрабуюць утрымаць невялікі плацдарм заходней ракі Жэрэбец.
Паводле слоў Tte.Dan, украінскія падраздзяленні атакуюць Зарэчнае адразу з трох напрамкаў, імкнучыся выціснуць сілы акупантаў з астатняй часткі плацдарма. Наступ таксама распаўсюдзіўся паўднёвей: украінскія штурмавыя групы форсавалі Сіверскі Данец, вярнулі Піскуноўку і замацаваліся ў Крывой Луцы, ствараючы пагрозу флангам пазіцый акупантаў.
Акрамя таго, ўкраінскія FPV-дроны актыўна выбіваюць расійскую лагістыку, што становіцца яшчэ адным важным фактарам паспяховага наступу Сіл абароны Украіны. Паводле звестак аналітыка, на Ліманскім напрамку ўдары па транспартных сродках, якія забяспечваюць пастаўкі расійскіх войскаў, фіксуюцца на адлегласці да 150 кіламетраў ад лініі фронту.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
