У Беларусі былога міліцыянта судзілі за дзяржаўную здраду

Мужчыну затрымалі ў маі 2022 года.

У Гродне агучылі прысуд 31-гадоваму былому супрацоўніку міліцыі Сяргею Казінскаму, які абвінавачваўся ў дзяржаўнай здрадзе, паведаміў праваабарончы цэнтр «Вясна».

Мужчыну прызналі вінаватым паводле ч. 1 арт. 356 Крымінальнага кодэкса і прызначылі восем гадоў пазбаўлення волі. Суд таксама абавязаў яго сплаціць штраф у памеры 100 базавых велічынь (3700 рублёў) і пазбавіў спецыяльнага звання «лейтэнант міліцыі». Пакаранне прызначылі з адбываннем у папраўчай калоніі ва ўмовах узмоцненага рэжыму, перадае «Вясна». Калі быў агучаны прысуд, не паведамляецца.

Паводле інфармацыі праваабаронцаў, мужчыну затрымалі 18 мая 2022 года, а 20 мая змясцілі пад варту. 5 лютага 2023 года Сяргей прыбыў для адбывання пакарання ў папраўчую калонію № 3 у Віцебскім раёне.

Сяргей Казінскі нарадзіўся ў 1995 годзе ў Лідзе. У мінулым працаваў у Лідскім РАУС. Пасля падзей 2020 года ён звольніўся са службы. Мае вышэйшую адукацыю, быў жанаты і ўтрымліваў непаўналетняе дзіця.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com