З карты Беларусі знікаюць цэлыя вёскі

За час кіравання Лукашэнкі — мінус 1701.

Насельніцтва Беларусі скарачаецца, а сельскае насельніцтва — асабліва хутка. З карты Беларусі штогод знікаюць цэлыя вёскі і хутары. Апошняй на сёння «ліквідавалі» вёску Пірэвічы, што паміж Жлобінам і Светлагорскам, паведамляе «Белсат».

Так званы Жлобінскі раённы савет дэпутатаў пастанавіў 23 верасня ліквідаваць вёску Пірэвічы Дабрагошчанскага сельсавета Жлобінскага раёна Гомельскай вобласці. Рашэнне апублікавалі 29 верасня, яно ўступіла ў сілу.

Паводле дзяржаўнай газеты «СБ. Беларусь сёння», у гэтай вёсцы, якая паўстала каля ста гадоў таму, станам на 2004 год налічвалася толькі два жыхары і толькі адна гаспадарка.

Назва «Пірэвічы» не знікне — паблізу ёсць аднайменны аграгарадок, цэнтр Пірэвіцкага сельсавета.

Пірэвічы — ужо 19-я з пачатку года скасаваная вёска ў Беларусі, падлічыў Blizko.by. З іх дзве ў Гомельскай вобласці, па адной у Брэсцкай і Магілёўскай, а 15 — у Віцебскай, з іх 9 у Шаркаўшчынскім раёне.

Цяпер у Беларусі ёсць сталіца як асобная адзінка абласнога ўзроўню, 6 абласцей і 118 раёнаў. Паводле дадзеных Нацыянальнага кадастравага агенцтва, у іх ёсць:

10 гарадоў абласнога падпарадкавання,

104 гарады раённага падпарадкавання,

27 пасёлкаў гарадскога тыпу ў складзе раёнаў,

52 пасёлкі гарадскога тыпу ў складзе сельсаветаў,

22 973 сельскія населеныя пункты іншага тыпу.

Паводле дадзеных Нацыянальнага статыстычнага камітэта:

20 гадоў таму ў Беларусі было 23 863 сельскія населеныя пункты,

15 гадоў таму — 23 467,

10 гадоў таму — 23 201,

5 гадоў таму — 23 050.

У 1991 годзе, калі Беларусь здабыла незалежнасць, у ёй было 23 615 сельскіх населеных пунктаў. У 1994-м раптам стала 24 674, але далей іх колькасць ізноў скарачалася. Магчыма, падчас падрыхтоўкі закона «Аб адміністрацыйна-тэрытарыяльным падзеле» ўпарадкоўвалі савецкія рэестры.

То-бок за час незалежнасці ў Беларусі зніклі прынамсі 642 вёскі, а то і 1701, калі лічыць ад 1994 года і верыць Нацыянальнаму статыстычнаму камітэту.

Сучасныя тэмпы знікнення вёсак даволі звычайныя: бывала, праводзілі і больш маштабныя «зачысткі» пустых вёсак. Так, за 2014 год зніклі 138 сельскіх населеных пунктаў.

Насельніцтва Беларусі працягвае скарачацца, пры гэтым сельскае насельніцтва змяншаецца асабліва хутка. Так:

35 гадоў таму ў Беларусі было 3 384 737 чалавек, што жылі ў сельскай мясцовасці. Яны складалі 33,2% насельніцтва Беларусі.

15 гадоў таму — 2 388 025 сельскіх жыхароў, 24,9% ад усіх.

10 гадоў таму — 2 201 940, або 22,4%.

5 гадоў таму — 2 069 325, або 22,1%.

На пачатак 2026 года засталося 1 898 771 — менш за 21%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com