У Лукашэнкі адбылося абвастрэнне

Аж усё свербіць ад гэтай баявой гатоўнасці.

З таго часу, як нехта на мінулым тыдні вярнуўся ад Пуціна, баявая гатоўнасць яго моцна непакоіць. Аж усё свербіць ад гэтай баявой гатоўнасці. Апошні раз яго баявая гатоўнасць гэтак непакоіла гэтай вясной. І, звярні ўвагу, сімптомы з’явіліся таксама адразу пасля таго, як нехта вярнуўся ад Пуціна.

Увогуле, я даўно заўважыў, што кожны раз, як нехта пагутарыць сам-насам з Пуціным, у яго заўсёды з’яўляецца сверб у зоне баявой гатоўнасці. Гэта значыць, сіндром трывожнай баявой гатоўнасці (далей — СББ), бачна, перадаецца нейкім не надта добрым шляхам. І наўрад ці лечыцца.

Таму з баявой гатоўнасцю трэба асцярожней у сваім ужо не маладым узросце. Нельга знясільваць арганізм, аслаблены рознымі нядобрымі залішнасцямі. Гэты арганізм і так апух. Усё ж хлопчыкі ўжо не спрытныя і позіркі не палаюць. Кудры ўсе кудысьці аблезлі. Трэба ўлічваць натуральныя ўзроставыя абмежаванні. Вось мінулы раз вострыя сімптомы прайшлі толькі праз тры месяцы. А па тэлевізары СББ дык ужо даўно перайшоў у хранічную фазу.

Пры гэтым, што цікава, кожны раз абвастрэнне СББ мае свае спецыфічныя праявы. Вось мінулы раз яно было пакетнае. У сэнсе, нехта распаўсюджваў свае сімптомы па ваенных часцях сакрэтнымі пакетамі праз генерала Вольфовіча. Баявой гатоўнасці, што характэрна, гэта не дапамагло.

А гэтым разам ужо свербіць ва ўнутраных органах. Прычым сверб імгненна перайшоў у ліхаманкавую фазу. За тыдзень гэтыя ўнутраныя органы правялі ў сабе дзесяць вучэнняў па адбіцці нябачнай грамадскай пагрозы сваёй бяспецы. Вось ты бачыш пагрозу іх бяспецы? І я — не. А ва ўнутраных органах яна ёсць.

Бо ўнутраныя органы стан сваёй бяспекі ведаюць лепш, чым мы з табой. Унутраныя органы адчуваюць. Яны заўсёды адчуваюць. Ні дня не праходзіць, каб унутраныя органы не адчувалі грамадскай пагрозы сваёй бяспецы.

І нехта адчувае пагрозу сваёй бяспецы там жа, дзе і яго ўнутраныя органы. Таму ў яго там цяпер і свербіць. У прынцыпе там даўно ўжо свербіць. Проста пасля зносін з Пуціным здарылася абвастрэнне. Бо для гарантаў, у якіх тэрмін падыходзіць да канца, СББ — можна сказаць, прафесійная хвароба.

Але я табе, як доктар, скажу — нельга патураць хваробе. Трэба як-небудзь змагацца. Сімптомы, урэшце, хоць бы купіраваць.

Бо колькі ты баявую гатоўнасць ні правярай, ад гэтага менш свербіць усё роўна не стане. Наадварот. Чым часцей правяраеш, тым мацней яна свербіць. Таму, калі цябе непакоіць баявая гатоўнасць, галоўнае — не расчэсваць яе.

Telegram-канал «Лісты да дачкі»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com