Польшча падняла ваенны верталёт з-за аб’екта з боку Беларусі

Аказалася, гэта птушкі.

Польскія ваенныя 6 верасня паднялі ў паветра верталёт пасля таго, як радары зафіксавалі магчымае парушэнне паветранай прасторы краіны з боку Беларусі. Праверка паказала, што прычынай трывогі стала вялікая зграя птушак, паведамляе Reuters.

Падазроны сігнал радыёлакацыйныя сістэмы зафіксавалі неўзабаве пасля паўдня па мясцовым часе. Для праверкі ў раён магчымага парушэння накіравалі ваенны верталёт.

«Паказанні, зафіксаваныя радыёлакацыйнымі сістэмамі, не былі звязаныя з парушэннем паветранай прасторы Польшчы. Іх прычынай стала вялікая зграя птушак, палёт якой зарэгістравалі сістэмы назірання за паветранай прасторай», — паведаміла пазней Аператыўнае камандаванне Узброеных Сіл Польшчы.

Ваенныя заявілі, што пагрозы бяспецы краіны не было. Да завяршэння праверкі ў частцы паветранай прасторы абмежавалі рух грамадзянскай авіяцыі. У прыватнасці, аэрапорт Жэшув на паўднёвым усходзе Польшчы ненадоўга прыпыніў працу, каб забяспечыць дзеянні ваеннай авіяцыі. Пасля завяршэння праверкі палёты аднавіліся.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com