Трамп паказаў форму Касмічных сіл ЗША ў стылі «Зорнага дэсанту»

Фотафакт.

Прэзідэнт ЗША Дональд Трамп паказаў канцэпт формы вайскоўцаў Касмічных сіл ЗША.

На выяве, апублікаванай на старонцы Трампа ў Truth Social, паказаная чорная форма з сярэбнымі ўстаўкамі. Варыянты расфарбоўкі ўключаюць шэры «касмічны» і «срэбраны», а таксама «чорны апоўначы» і «чорны сатын». Акрамя таго, паказаныя варыянты пагонаў для кожнага звання Касмічных сіл.

Форма была натхнёная навукова-фантастычным фільмам «Зорны дэсант» 1997 года. Як адзначае The Telegraph, у фільме прысутнічаюць адсылкі да нацысцкай сімволікі, а сам рэжысёр стужкі Пол Верхувен апісаў сваю працу як «іранічнае» бачанне «фашысцкай утопіі».

Пазней Трамп таксама апублікаваў створаную нейрасеткай выяву, на якой ён сядзіць за панэллю кіравання на касмічнай станцыі. У ілюмінатары за ягонай спінай відаць Зямлю і мноства выбухаў на яе паверхні. Подпіс: «Касмічныя сілы».

У канцы жніўня Трамп падпісаў указ аб стварэнні першай у ЗША Касмічнай акадэміі. Яна будзе прызваная развіваць лідарскія якасці курсантаў для прасоўвання інтарэсаў Вашынгтона ў касмічнай прасторы. На працягу 120 дзён спецыяльная камісія, у якую ўвайшлі кіраўнік NASA Джарэд Айзакман, міністр вайны Піт Хегсет і іншыя супрацоўнікі ўрада, павінна прадставіць прэзідэнту даклад аб стварэнні акадэміі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com