«Малады Фронт» будзе судзіцца з менскімі ўладамі

«Малады Фронт» падае скаргу ў суд на Менскі гарадзкі выканаўчы камітэт, якія пратэрмінаваў адказ на заяву аб правядзеньні сьвяточнага шэсьця і канцэрта 14 лютага.

Адказ мусіў прыйсьці найменей за 5 дзён да акцыі – 9 лютага.

Адна з заяўніц акцыі, Кася Галіцкая, увечары 11 лютага атрымала адказ на заяву аб правядзеньні сьвяточных мерапрыемстваў, прысьвечаных Дню Любові. Менгарвыканкам адмовіў у правядзеньні шэсьця і канцэрту на падставе таго, што месца збору – плошча Якуба Коласа, знаходзіцца каля мэтро, што супярэчыць артыкулу 9 закона "Аб масавых мерапрыемствах".

Альтэрнатыўнага месца Менгарвыканкам не прадставіў.

Сьвяткаваньне Дня Любові адбудзецца ў заплянаваным фармаце бязь зьменаў, - пра гэта паведамляе прэсавая служба «Маладога фронту».