7 кастрычнiка 2022, Пятніца, 12:19
Сім сім, Хартыя 97!
Рубрыкі

Саннікава збіраліся этапаваць у калонію ў кайданках

38
Саннікава збіраліся этапаваць у калонію ў кайданках

Гарантый бяспекі ў Бабруйскай калоніі кандыдату ў прэзідэнты ніхто не прадставіў.

Андрэя Саннікава этапавалі з Магілёўскай турмы ў Бабруйскую калонію сёння ў 2 гадзіны ночы. Нягледзячы на ​​ягоныя шматлікія заявы і пратэсты адваката, ніякіх гарантый бяспекі яму ніхто не прадставіў. Больш за тое, палітыку прыгразілі, што ў выпадку супраціву, яго будуць этапаваць ў кайданках. Пра гэта сайту charter97.org паведаміла жонка палітвязня Ірына Халіп.

Акрамя таго, перад этапаваннем ў Магілёўскай турме ў яго пыталіся, чаму ён не хоча палегчыць сваю долю «простым спосабам» - напісаннем прашэння аб памілаванні. Андрэй Саннікаў катэгарычна адмовіўся гэта зрабіць.

У Бабруйскай калоніі палітвязня ўжо пыталіся, як ён збіраецца ісці на ўмоўна-датэрміновае вызваленне праз 3,5 гады, калі ён адмаўляецца падпісваць паперы аб «правапаслухмяных паводзінах».

Улічваючы неаднаразовыя пагрозы ягонаму жыццю і здароўю, Андрэй Саннікаў адмаўляўся ад этапавання да атрымання пераканаўчых гарантый бяспекі і ліквідацыі пагрозы ягонаму жыццю і здароўю, штучна створаных Дэпартаментам выканання пакаранняў і адміністрацыямі СІЗА № 2 горада Віцебска і Магілёўскай турмы № 4.

Нагадаем, што жонка Андрэя Саннікава Ірына Халіп заявіла на прэс-канферэнцыі ў Менску, што этапаванне кандыдата ў прэзідэнты з Наваполацкай калоніі ў Бабруйскую доўжыцца ўжо амаль два тыдні. На Андрэя Саннікава здзяйсняецца ціск. Яго пагражаюць забіць як падчас перасылкі, так і непасрэдна ў Бабруйскай калоніі. Відавочна, што мэта такога ціску - прымусіць палітвязня напісаць прашэнне аб памілаванні.