Падчас ператрусу ў прадпрымальніка забралі ватоўку і боты
16- 10.10.2013, 21:29
- 19,010
Міліцыя праводзіць ператрус у доме ў баранавіцкага прадпрымальніка і актывіста Мікалая Чарнавуса.
Падставай да вобшуку паслужыў праведзены 30 верасня ў Баранавічах пікет супраць карупцыі чыноўнікаў.
Аб гэтым Мікалай Чарнавус паведаміў Intex-press праз тэлефон.
Са слоў прадпрыемца, ордэр на ператрус у ягоным доме падпісаны баранавіцкім пракурорам.
Як распавёў Мікалай Чарнавус у тэлефоннай размове, ператрус доўжыцца прыкладна з 18 гадзін, яго праводзяць супрацоўнікі міліцыі ў прысутнасці панятых - суседзяў прадпрымальніка.
У якасці рэчыўных довадаў, якія нібыта маюць дачыненне да правядзення ў Баранавічах 30 верасня пікету супраць карупцыі мясцовых чыноўнікаў, міліцыя сканфіскавала ў прадпрыемца плакат, боты і ватоўку, - паведаміў Мікалай Чарнавус.
Фота: Intex-press