Прэзідэнт Кыргызстана не прыедзе ў Менск
27- 23.10.2013, 20:54
- 37,677
Саміты ў беларускай сталіцы пройдуць без удзелу Алмазбека Атамбаева.
Першы віцэ-прэм'ер Кыргызстана Джаамарт Атарбаеў будзе прадстаўляць краіну ў пасяджэннях Найвышэйшай Еўразійскай эканамічнай рады і Рады кіраўнікоў дзяржаў СНД, якія пройдуць у Менску, паведамляе РИА «Новости».
У прэс-службе прэзідэнта Кыргызстана не растлумачылі прычыну адсутнасці прэзідэнта Алмазбека Атамбаева на самітах ў Менску, патлумачыўшы толькі, што Атарбаеў ужо раней прадстаўляў краіну на снежаньскім пасяджэнні кіраўнікоў дзяржаў СНД у Ашхабадзе.
Нагадаем, у красавіку 2010 года ў Кыргызстане адбылася рэвалюцыя, у выніку якой улада перайшла ў рукі часовага кааліцыйнага ўрада, які складаецца з лідараў апазіцыйных партый. Падчас перавароту загінулі амаль 90 чалавек, каля тысячы атрымалі раны. Былы кіраўнік Курманбек Бакіеў, ягоны брат Жаныбек, сын Марат ды іншыя набліжаныя былі абвінавачаныя ў масавым забойстве, звязаным з перавышэннем службовых паўнамоцтваў, і абвешчаныя ў міжнародны вышук.
Кыргызскі правадыр з сям'ёй хаваецца ў Беларусі з красавіка 2010 года. Яшчэ ў жніўні 2010 года Курманбеку Бакіеву быў выдадзены пашпарт грамадзяніна Беларусі.
Кіргізскія ўлады неаднаразова намагалі на экстрадыцыі Бакіевых на радзіму, дзе ім завочна вынесены прысуд. Лукашэнка адмаўляецца выдаваць іх.
Фота: dw.de