Саўчанка распавяла, хто забіў расейскіх журналістаў
5- 23.12.2014, 15:55
- 25,360
Расейскія журналісты, у смерці якіх абвінавачваюць украінскую лётчыцу, загінулі ад мінамётнага агню баевікоў.
Украінская лётчыца і народны дэпутат Надзея Саўчанка заяўляе, што журналісты тэлеканала "Расея" Ігар Карнялюк і Антон Валошын, у забойстве якіх яе абвінавачваюць, загінулі ад мінамётнага агню баевікоў, якіх сама ж Расея падтрымлівае зброяй і наймітамі.
Пра гэта Саўчанка распавяла ў інтэрв'ю УНІАН з маскоўскага СІЗА.
"Расейскія журналісты загінулі ад разрыву мінамётнай міны. У тым баі мінамётаў з боку Узброеных сіл Украіны не было. І мінамётны агонь я не прыводзіла, тым больш - па людзях без зброі", - сказала Саўчанка.
"Журналісты патрапілі пад агонь сваіх жа сепаратыстаў. Толькі не з батальёна "Зара", а "махноўцаў", як іх называюць самі "апалчэнцы" з "Світанку". Гэта мне сказалі "апалчэнцы", калі я яшчэ была ў палоне ў Луганску", - падкрэсліла яна.
Нагадаем, украінская лётчыца Надзея Саўчанка была выкрадзеная тэрарыстамі яшчэ ў чэрвені 2014 года. У ліпені Саўчанку выявілі ў СІЗА Варонежа. Ёй інкрымінуюць дапамогу ў забойстве расейскіх журналістаў. У той жа час, як даказалі адвакаты лётчыцы, Саўчанка была выкрадзеная за гадзіну да забойства гэтых журналістаў.