Львоў і Цярнопаль абвясцілі ўсеагульную мабілізацыю
6- 18.02.2014, 18:27
- 11,160
Актывісты з рэгіёнаў з'язджаюцца ў Кіеў, каб падтрымаць пратэстуоўцаў.
Львоў і Цярнопаль мабілізуе добраахвотнікаў для выезду ў Кіеў. Вечарам з абодвух гарадоў адправяць аўтакалоны і аўтобусы з людзьмі, якія павінны ўзмацніць самаабарону ў Кіеве. Пра гэта паведамляе ўкраінская служба «Радыё Свабода».
Запіс добраахвотнікаў пачаўся і гэта звязана з падзеямі ў цэнтры Кіеў, дзе працягваюцца сутыкненні паміж мітынгоўцамі і сілавікамі. Штаб нацыянальнага супраціву Цярнопаля просіць добраахвотнікаў браць з сабой цёплыя рэчы і сродкі абароны.
У абласных цэнтрах на захадзе Украіны людзі збіраюцца на цэнтральных плошчах, дзе могуць пачуць аб апошніх падзеях і паслухаць актывістаў.
Лідар ВА «Свабода» Алег Цягнібок заклікаў усіх мужчын неадкладна ехаць у Кіеў.
Нагадаем, сёння ў Кіеве аднавіліся сутыкненні паміж дэманстрантамі і сілавікамі. У раёне Вярхоўнай Рады мітынгоўцы прарвалі міліцэйскі кардон. На скрыжаванні вуліц Грушэўскага і Крэпасны вал удзельнікі мітынгу узлезлі на аўтамабілі, што загарожвалі дарогу і выціснулі адтуль байцоў Унутраных войскаў. Падпаленыя офіс партыі рэгіёнаў у Кіеве. Па мітынгоўцах страляюць з шратавікоў. Вакол Вярхоўнай Рады актывісты ўзводзяць новыя барыкады. Дзесяткі чалавек - як з боку дэманстрантаў, так і з боку сілавікоў - атрымалі раны. Пяць чалавек забітыя.