З расейскага Прамсвязьбанку зніклі амаль $2 мільярды і ўладальнік

З банка, які ўваходзіў у топ-10 паводле сумы актываў, зніклі крэдытныя дасье карпаратыўных пазычальнікаў.

У Прамсвязьбанку, нацыяналізаванага за кошт фонду санацыі ЦБ, выяўлена знішчэнне дакументаў і ўгод, якія маюць прыкметы незаконных, паведамляе finanz.ru.

З банка, які ўваходзіў у топ-10 паводле сумы актываў, зніклі крэдытныя дасье карпаратыўных пазычальнікаў на суму 109,1 мільярда расейскіх рублёў. Прапажу папер, якія пацвярджаюць актывы Прамсвязьбанка, выявіла часовая адміністрацыя, якая працуе з 16 снежня.

За дзень да яе прыходу і абвяшчэнні аб санацыi кіраўніцтва Прамсвязьбанку праз кіравальную недзяржаўнымі пенсійнымі фондамі кампанію распрадалі акцыі банка, а атрыманыя сродкі вывела ў афшорны холдынг "Прамсвязькапітал", падае RNS заяву першага намесніка старшыні ЦБ Васіля Паздышава.

Схема выглядала наступным чынам: КК меркавана размясціла ў банку некалькі дэпазітаў тэрмінам на адзін тыдзень. У той жа дзень эквівалентная сума была пераведзеная на рахунак кампаніі "Промсвязькапіталу", якая ў той жа дзень расплацілася з КК НПФ за продаж акцый.

"Для ўтойвання маніпуляцый угоды куплі-продажу акцый праводзіліся праз біржу. Роўна праз тыдзень КК НПФ звярнулася ў часовую адміністрацыю банка з патрабаваннем вярнуць дэпазіты, размешчаныя 14 снежня", - паведаміў Паздышаў.

Угоды былі падпісаныя 14 снежня грамадзянін, які быў прыняты на працу ў банк за два дні да гэтага і адразу ж, са слоў Паздышава, атрымаў даверанасць ад управы і суўладальніка Дзмітрыя Ананьева. ЦБ рыхтуе матэрыялы для звароту ў праваахоўныя органы, паведаміў Паздышаў.

Сам Ананьеў з'ехаў з Расеі.

Крыніца ТАСС у Прамсвязьбанку паведаміла, што ў пятніцу Ананьеў на працу не прыходзіў. Ягоны брат - Аляксей - пры гэтым у офісе быў.

22 снежня ЦБ прыняў пастанову спісаць запазычанасць Прамсвязьбанку у субардынаванай завінавачанасці, паведаміла прэс-служба рэгулятара. Гэта азначае, што ў капітале банка выяўленая "дзірка". Раней ЦБ ацэньваў патрэбную банку суму на 100-200 млрд рублёў.