Латвійскія вайскоўцы заўважылі ля берагоў краіны субмарыны РФ
11- 17.04.2017, 16:14
- 18,365
Таксама каля тэрытарыяльных вод Латвіі зафіксаванае судна тэхнічнай падтрымкі субмарын.
Узброеныя сілы Латвіі заўважылі ля берагоў краіны расейскія субмарыны і карабель падтрымкі. Пра гэта ў панядзелак, 17 красавіка, абароннае міністэрства краіны паведаміла ў афіцыйным мікраблогу ў Twitter, піша nn.by.
«16 красавіка на адлегласці 5,5 марскіх міль ад мяжы Латвіі ў выключнай эканамічнай зоне былі выяўленыя дзве расейскія субмарыны класа Kilo», - гаворыцца ў паведамленні.
Таксама адзначаецца, што ў 20 марскіх мілях ад тэрытарыяльных вод Латвіі зафіксаванае судна тэхнічнай падтрымкі субмарын класа «Каштан».
LV ekskl. ekonom. zonā 20 j.j. no terit. jūras bruņotie spēki 16.04.identificēja Krievijas BS Kashtan klases zemūdenes atbalsta kuģi SS-750.
— NBS (@Latvijas_armija) 17 апреля 2017 г.