Робэрт Тышкевіч: Карты паляка чакае больш за 100 тысяч грамадзян Беларусі
28- 9.05.2017, 21:06
- 25,367
Дэпутат польскага Сэйма прапануе разглядаць заявы на атрыманне Карты паляка ў самой Польшчы.
Польскі палітык прапануе змены ў правілах выдачы Карты паляка. Дэпутат польскага Сэйма Робэрт Тышкевіч мяркуе, што заявы на атрыманне Карты паляка могуць разглядацца не толькі ў польскіх консульствах у Беларусі, але і ў ваяводскіх адміністрацыях у Польшчы.
Паводле ягоных слоў, амаль 100 тысяч грамадзян Беларусі чакае разгляду заяў у консульствах.
- Чаму не быў выдадзены загад Савета міністраў, які зрабіў бы магчымай падачу заяў на Карту паляка ў абраных ваяводскіх адміністрацыях у Польшчы? Падляшскае ваяводства непасрэдна зацікаўленае ў тым, каб госці з Усходу маглі падаваць дакументы на атрыманне Карты паляка ў нашай Падляшскай адміністрацыі, колькасць якіх перасягае сто тысяч чалавек, - напісаў Тышкевіч на своей старонцы ў «Фэйсбуку».
«У сувязі з пазіцыяй уладаў Беларусі, у нас няма магчымасці павелічэння колькасці супрацоўнікаў у польскіх консульствах», - дадае Робэрт Тышкевіч.
Таму, на ягоную думку, разгляд заяў на атрыманне Карты паляка Ваяводскіх адміністрацыях можа істотна разгрузіць польскія дыпламатычныя прадстаўніцтвы за мяжой.