Марына Слуцкая стала найлепшай на турніры ў дзюдо ў Тунісе
1- 22.01.2018, 16:26
- 9,523
Беларуская спартоўка здабыла золата ў катэгорыі звыш 78 кілаграмаў.
Беларуская дзюдаістка Марына Слуцкая (вагавая катэгорыя звыш 78 кг) здабыла залаты медаль на міжнародным турніры катэгорыі «Гран-пры» ў Тунісе, паведамляе «Прессбол».
У фінале спаборніцтваў беларуска сустрэлася з прадстаўніцай Бразіліі Беатрыз Саузай. Слуцкая ўжыла да спаборніцы задушлівы прыём і атрымала ад суддзяў ацэнку «іпон».
Бронза дасталася адразу дзвюм спартоўкам - украінцы Галіне Тарасавай і гаспадыні першынства Ніэль Шэйх Руху.
Цяпер Слуцкая рыхтуецца да турніру «Вялікага шлема» 10-11 лютага ў Парыжы і чэмпіянату Еўропы, які з 26 да 28 красавіка пройдзе ў Тэль-Авіве.