Кім Чэн Ын запрасіў інспектараў пацвердзіць ліквідацыю ядзернага палігона

У КНДР заявілі, што ў краіне больш няма палігонаў для правядзення выпрабавання ядзернай зброі.

Дыктатар КНДР Кім Чэн Ын запрасіў інспектараў наведаць выпрабавальны палігон ядзернай зброі Пхунгеры і пераканацца, што ён цалкам дэмантаваны. Пра гэта паведамілі ў Дзяржаўным дэпартаменце ЗША аб выніках перамоў дзяржсакратара Майка Пампэа з паўночнакарэйскім дыктатарам, піша РБК са спасылкай на Reuters.

Пампэа сустрэўся з Кім Чэн Ынам у нядзелю, 7 кастрычніка, у Пхеньяне. Падчас перагавораў стораны абмеркавалі дэталі магчымай сустрэчы лідара КНДР з прэзідэнтам ЗША Дональдам Трампам. Дзяржсакратар і Кім Чэн Ын разгледзелі варыянты, дзе і калі яна можа адбыцца.

Палігон Пхунгеры быў ліквідаваны ў траўні ўладамі КНДР. Усяго былі ўзарваныя тры шахты разам з наземнымі пабудовамі. Намеснік кіраўніка Інстытута ядзернай зброі КНДР Кан Кен Хо заявіў, што ў краіне больш няма палігонаў для правядзення выпрабаванні ядзернай зброі, а аднаўленне працы Пхунгеры немагчымае.

Ліквідацыя палігона была праведзеная пасля таго, як у чэрвені ў Сінгапуры Трамп і Кім Чым Ын правялі сустрэчу. Стораны падпісалі дэкларацыю аб поўнай дэнуклеарызацыі КНДР. Пасля сустрэчы амерыканскі лідар заявіў, што ядзернай пагрозы з боку Паўночнай Карэі больш няма. У канцы чэрвеня крыніцы тэлеканала NBC паведамлялі, што Паўночная Карэя далей вырабляе ядзернае паліва на некалькіх сакрэтных аб'ектах.