Эстонія заклікала ЕС не ўпускаць расійскіх турыстаў

Раней з ініцыятывай аб спыненні выдачы віз выступіла Фінляндыя.

Міністр замежных спраў Эстоніі Маргус Тсахкна заявіў, што яго краіна далучаецца да закліку Фінляндыі прыпыніць выдачу турыстычных віз грамадзянам Расіі на тэрыторыі ўсяго Еўрапейскага саюза.

Пра гэта ён напісаў у сацыяльнай сетцы X у аўторак, 13 кастрычніка.

Раней міністр замежных спраў Фінляндыі Эліна Валтонен заклікала дзяржавы-чальцы ЕС спыніць выдачу турыстычных віз грамадзянам Расіі да заканчэння расійска-украінскай вайны.

«Эстонія далучаецца да закліку Фінляндыі прыпыніць выдачу турыстычных віз грамадзянам Расіі на тэрыторыі ўсяго Еўрапейскага саюза», – адзначыў у адказ на гэта Тсахкна.

Ён падкрэсліў, што ў той час, як Расія працягвае весці вайну, недапушчальна, каб яе грамадзяне «мелі магчымасць без абмежаванняў падарожнічаць з турыстычнай мэтай у межах Шэнгенскай зоны».

«Візавая палітыка павінна адлюстроўваць усю сур'ёзнасць агрэсіі Расіі. ЕС павінен і надалей узмацняць ціск на Крэмль усімі даступнымі сродкамі», – адзначыў міністр замежных спраў Эстоніі.

Ён таксама заклікаў ЕС як мага хутчэй прыняць «неабходныя выканаўчыя акты для ўвядзення усеабдымнай забароны на ўезд расійскім камбатантам».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com