Відэафакт: распранальня менскага «Дынама» пасля доўгачаканай перамогі ў матчы з «Куньлунем»

Менскае «Дынама» апублікавала відэаролік з каманднай распранальні пасля перамогі ў матчы чэмпіянату КХЛ.

Менскае «Дынама» апублікавала невялікі відэаролік з каманднай распранальні пасля перамогі ў матчы чэмпіянату КХЛ супраць «Куньлунь» (4:1). Гэтая вікторыя стала першай для «зуброў» у 12 апошніх паядынках, паведамляе «Прессбол».

У сюжэце, апублікаваным у твітэры «Дынама», можна ўбачыць новаспечанага генеральнага дырэктара клуба Дзмітрыя Баскава, які выступіў з прамовай, віншаванні гульцам ад галоўнага трэнера Гордзі Дуаера, а таксама ўручэнне шлема Яўгену Лісаўцу як прызнанне яго найлепшым у шэрагах гаспадароў.