Саўладальнік «Кароны» стане куратарам алкагольнага банкрута

Турчын даручыў Тапузідзісу ўзяць куратарства над прадпрыемствам «Ілаўскае».

Старшыні рады дырэктараў кампаніі «Тытунь-інвест» Паўлу Тапузідзісу прапанавана ўзяць куратарства над прадпрыемствам «Ілаўскае», якое спецыялізуецца на вытворчасці спірту этылавага з харчовай сыравіны, пладовых і садавіна-ягадных вінаў, кальвадосу. Пра гэта паведаміў першы віцэ-прэм'ер Аляксандр Турчын падчас паездкі на прадпрыемства, паведамляе tut.by.

Варта адзначыць, што цяпер «Ілаўскае» мае пратэрмінаваную запазычанасць у плацяжах у бюджэт, што звязана з высокай канкурэнцыяй, адсутнасцю разлікаў арганізацый гандлю, ростам закупных коштаў на сыравіну і матэрыялы, гаворыцца ў паведамленні прэс-службы ўрада. Падатковая падала заяву ў эканамічны суд Менскай вобласці аб прызнанні прадпрыемства «Ілаўскае» эканамічна неплацежаздольным, уведзены абаронны перыяд, працуе антыкрызісны кіраўнік.

Аляксандр Турчынаў далажыў пра захады, якія вядуцца для аздараўлення прадпрыемства. Ён таксама пагутарыў і з работнікамі цэхаў. Падчас размовы яны выказалі заклапочанасць лёсам не толькі прадпрыемства, але і ўсіх тых, хто тут працуе. З'яўляючыся адным з двух самых буйных у Мядзельскім раёне, «Ілаўскае» дае працоўныя месцы амаль для 150 жыхароў, гаворыцца ў паведамленні.

Падводзячы вынікі рабочай паездкі, Турчын адзначыў, нягледзячы на тое, што «Ілаўскае» знаходзіцца ў камунальнай уласнасці і адказнасць за стан спраў ляжыць на мясцовых органах улады, урад не можа знаходзіцца ў баку. Прадпрыемству неабходна дапамагчы вывесці яго на ўстойлівую працу, захаваць працоўныя месцы і забяспечыць людзей годнай аплатай працы. У гэтым ён бачыць і магчымасць падтрымкі такіх прадпрыемстваў бізнэс-супольнасцю. Старшыні рады дырэктараў «Тытунь-інвест» Паўлу Тапузідзісу прапанавана ўзяць куратарства над «Ілаўскае», аказаць яму кансультатыўную дапамогу і садзейнічанне ў рэалізацыі прадукцыі, гаворыцца ў паведамленні прэс-службы Саўміна.

«Тытунь-Інвест» належыць фабрыка вытворчасці цыгарэт і сетка «Карона», якая складаецца з 12 гіпермаркетаў і 25 крам фармату «каля дома».

Павел Тапузідзіс з'яўляецца намеснікам старшыні Рады развіцця прадпрымальніцтва, якую ўзначальвае Аляксандр Турчын.