У Беларусі ліквідуюць Uber?

Нацбанк заявіў, што схема Uber паводле разлікаў з юрыдычнымі асобамі і ІП у Беларусі знаходзіцца па-за законам.

Схема разлікаў сэрвісу Uber з транспартнымі кампаніямі не адпавядае беларускаму заканадаўству. Пра гэта гаворыцца ў лісце Нацбанка ў адрас Асацыяцыі беларускіх банкаў, паведамляе tut.by.

Раней банкі папрасілі рэгулятара ацаніць схему разлікаў, што выкарыстоўваецца сэрвісам таксі. Пытанне датычылася не карыстальнікаў паслугі, а перавозчыкаў.

Цяпер нідэрландская кампанія Uber ML B.V. аказвае на дамоўнай аснове паслугі беларускім перавозчыкам (юрыдычным асобам і індывідуальным прадпрымальнікам), якія дазваляюць шукаць, атрымліваць і выконваць замовы таксі пасажыраў праз выкарыстанне мабільных дадаткаў. Пры гэтым аплата на карысць Uber ML B. V праводзіцца фізічнымі асобамі гатоўкай у беларускіх рублях з дапамогай праграмы Uber, абмінаючы бягучыя (разліковыя) банкаўскія рахункі транспартных кампаній. У далейшым нідэрландская кампанія за выключэннем свайго ўзнагароджання пералічвае суму ў далярах на рахунак беларускага перавозчыка, сцвярджаюць у банках. Разам з тым, паводле інфармацыі крэдытных арганізацый, да жніўня гэтага года на рахункі перавозчыкаў ад Uber ML B.V. паступалі беларускія рублі.

Згодна Правілам правядзення валютных аперацый, зацверджаных пастановай праўлення Нацбанка ад 30 красавіка 2004 года №72, выкарыстанне замежнай валюты пры правядзенні разлікаў паміж рэзідэнтамі і фізічнымі асобамі за аказаныя ім транспартныя паслугі ў Беларусі не дапускаецца.

У сувязі з гэтым атрыманне сродкаў у далярах на разліковы рахунак беларускага перавозчыка ад нідэрландскай кампаніі за аказаныя грамадзянам транспартныя паслугі ў Беларусі не адпавядае патрабаванням валютнага заканадаўства, гаворыцца ў адказе Нацбанка.

У адпаведнасці з падпунктам 1.1 пункта 1 указам ад 27 сакавіка 2008 г. №178 «Аб парадку правядзення знешнегандлёвых аперацый», дамова паміж рэзідэнтам і нерэзідэнтам, якая прадугледжвае аказанне паслуг, з'яўляецца знешнегандлёвай дамовай, а атрыманне рэзiдэнтам паслуг на платнай аснове ад нерэзідэнта з'яўляецца імпартам. Такім чынам, дамовы, заключаныя транспартнымі арганізацыямі з Uber, з'яўляюцца знешнегандлёвымі дамовамі, якія прадугледжваюць імпарт паслуг.

Пры імпарце разлікі паводле знешнегандлёвых дамоў ажыццяўляюцца толькі з рахункаў імпарцёраў (у тым ліку са спецыяльнага рахунку акрэдытыва), вынікае з дакумента.

Такім чынам схема разлікаў Uber з беларускімі перавозчыкамі не адпавядае заканадаўству, гаворыцца ў адказе Нацбанка.