Парашэнка ўдвая павялічыў зону ўкраінскага кантролю ў Чорным моры

Закон накіраваны на гарманізацыю марскога заканадаўства Украіны.

Прэзідэнт Украіны Пятро Парашэнка падпісаў прыняты 6 снежня ў Вярхоўнай Радзе закон "Аб прылеглай зоне Украіны", які ў два разы павялічвае зону ўкраінскага кантролю ў Чорным моры.

"Згодна з законам, прылеглая зона Украіны - гэта зона адкрытага мора, якая прылягае да тэрытарыяльнага мора Украіны і вонкавая мяжа якога знаходзіцца на адлегласці не больш за 24 марскія мілі, адлічыць ад зыходных ліній, ад якіх вымяраецца шырыня тэрытарыяльнага мора Украіны", - паведамляецца на сайце кіраўніка дзяржавы.

У прэс-службе Парашэнкі патлумачылі, што закон накіраваны на гарманізацыю марскога заканадаўства Украіны з заканадаўствам іншых прычарнаморскіх дзяржаў ды іншых дзяржаў-удзельніц Канвенцыі марскога права ААН 1982 года.

Дакумент таксама накіраваны на прадухіленне кантрабанды і нелегальнага заходу суднаў у замкнёныя парты "часова акупаваных" тэрыторый Украіны. У сваёй прылеглай зоне Украіна будзе сачыць за парушэннямі мытнага, фіскальнага, іміграцыйнага і санітарнага заканадаўства.