Якія спецыяльнасці запатрабаваныя ў Беларусі

Патрабуюцца кіроўцы і мэнэджары продажаў, а юрысты амаль не патрэбныя.

«Брестская Газета» высвятляла, якія спецыяльнасці павінны былі быць запатрабаваныя ў абітурыентаў некалькі гадоў таму.

З 2019 года студэнтаў пачнуць набіраць па-новаму. З наступнага года попыт на будучых спецыялістаў будзе фармавацца зыходзячы з патрэб рынку, а не на запыты навучальных устаноў. Журналісты праманіторылі рынак вакансій Берасця ўжо цяпер і паглядзелі, якія спецыяльнасці павінны былі быць запатрабаваныя ў абітурыентаў некалькі гадоў таму.

Як будзе?

Каб спрагназаваць патрэбы ў кадрах, спярша Міністэрства эканомікі складзе дэмаграфічны прагноз. У ім будзе адлюстравана колькасць насельніцтва па ўзростам, рэгіёнах і іншых параметрах, паведамляе tut.by са спасылкай на начальніка галоўнага ўпраўлення прафесійнай адукацыі Міністэрства адукацыі Сяргея Касьпяровіча.

Абапіраючыся на гэтыя звесткі, Міністэрства працы і сацыяльнай абароны распрацуе прагнозны баланс працоўных рэсурсаў. Гэта значыць, што па кожнай сферы эканомікі і рэгіёну вызначыць прагнозную патрэбу ў кадрах.

Задача Мінадукацыі - размеркаваць гэтую патрэбу паводле канкрэтных спецыяльнасцяў, узроўняў адукацыі (прафесійна-тэхнічную, сярэднюю спецыяльную, вышэйшую), а таксама навучальных устаноў.

Галоўным каардынатарам гэтай працы прызначанае Міністэрства працы. Міністэрства адукацыі выступае выканаўцам замоў на падрыхтоўку кадраў, за выключэннем педагагічных, дзе Мінадукацыі з'яўляецца заказчыкам і выканаўцам у адной асобе.

Плануецца, што паводле новай сістэмы навучальныя ўстановы Беларусі пачнуць працаваць толькі у 2019 акадэмічным годзе.

Як цяпер?

Пакуль жа планаванне прыёму абітурыентаў ва ўстановы прафесійнай адукацыі ажыццяўляецца на аснове дзейнай сістэмы прагназавання патрэбы ў кадрах. Яе функцыянаванне вызначана пастановай Саўміна №972 «Аб некаторых пытаннях фармавання заказу на падрыхтоўку кадраў". Прадпрыемствы і арганізацыі, у тым ліку прыватнай формы ўласнасці, праз дзяржаўныя органы кіравання ўносяць інфармацыю пра сваю перспектыўную кадравую патрэбу: колькі выпускнікоў і якой спецыяльнасці ім спатрэбіцца праз чатыры-пяць гадоў. Сістэма абнаўляецца штогод.

«Лічбы, якія ўносяцца ў сістэму, першапачаткова фармуюць арганізацыі. Але на гэтым узроўні не заўсёды правільна вызначаюцца перспектывы развіцця галіны, у якой працуе гэтая арганізацыя, і, адпаведна, кадравыя патрэбы. Сёння, магчыма, ёй не патрэбен эканаміст. Але, калі гэтая сфера дзейнасці будзе дынамічна развівацца, праз пяць гадоў ён спатрэбіцца, а можа быць, і не адзін. А заказ сёння не робяць», - адзначае Сяргей Каспяровіч.

Новая сістэма набору студэнтаў, з ягоных слоў, будзе грунтавацца ў тым ліку на анкетных апытаннях арганізацый усіх формаў уласнасці і дапаўняцца разлікамі на аснове прагнозных эканоміка-матэматычных мадэляў. Гэта дазволіць улічваць як перспектыўную дынаміку развіцця галіны, так і дынаміку прадукцыйнасці працы.

Хто цяпер патрэбны ў Берасці?

Карэспандэнтка «БГ" 5 сакавіка праманіторыла праз пошукавы агрэгатар belmeta.com больш за 200 вакансій у Берасці, размешчаных за апошнія тры дні, а таксама прагледзела блізу 2 000 абвестак тэрмінам даўнасці не больш за месяц.

Найчасцей сустракаецца ў спісе прафесія кіроўцы. Толькі за апошнія тры дні было размешчана 7 такіх прапаноў працы, за месяц - блізу 370. Часта можна было ўбачыць і вакансію прадаўца - 258 за месяц, 12 - за 3 дні.

Вялікім попытам карыстаюцца рабочыя і будаўнічыя спецыяльнасці, такія як слесары (98 за 30 дзён), токары, зваршчыкі (25), электрыкі (18), кранаўшчыкі, тынкоўшчыкі і гэтак далей.

Нярэдка сярод вакансій сустракаліся інжынеры (154 за месяц, 10 за 3 дні), мэнэджары продажаў (126), бухгалтары (123), швачкі (116), спецыялісты працы з кліентамі (99).

Нямала абвестак пра прыём на працу медыцынскіх спецыялістаў. Лекарам прапаноўвалі працу блізу 80 разоў за месяц, медсёстрам - 34, медыцынскім прадстаўнікам - 5.

Педагогаў розных спецыяльнасцяў на гэты момант у горадзе над Бугам патрабуецца 66. Прычым сярод іх - школьныя настаўнікі, выкладчыкі на розных курсах і педагогі ВНУ і ССНУ.

Блізу 50 вакансій па такіх прафесіях, як прыбіральнік, гандлёвы прадстаўнік, бармэн і афіцыянт, праграміст, дызайнер, цырульнік.

А вось такія папулярныя сярод абітурыентаў прафесіі, як юрыст, эканаміст, лагіст, маркетолаг, калі меркаваць па параўнальна свежых вакансіях.