Міхаіл Баярскі: Ужо лепш буду больш хварэць за «Тосна», чым за «Зеніт»

Вядомы музыка раскрытыкаваў піцерскіх футбалістаў, якія «працуюць толькі за заробак».

Расейскі артыст Міхаіл Баярскі мяркуе, што галоўнага трэнера клуба Раберта Манчыні трэба звальняць у выпадку нетрапляння ў Лігу чэмпіёнаў.

- Калі «Зеніт» не праб'ецца ў Лігу чэмпіёнаў, сезон варта прызнаць правальным?

- Тады Манчыні - да пабачэння! Гэта само сабой. Можа быць, так нават і лепей. Камандзе неабходна пачаць усё з нуля. Ужо лепш буду больш хварэць за «Тосна», чым за «Зеніт».

- Нічога сабе…

- Так. Там хоць перспектыва адчуваецца. У «Тосна» людзі хочуць гуляць у футбол, развіваюцца, а не працуюць толькі за заробак, - цытуе музыку «Спорт-Экспресс».