Міністры замежных справаў Польшчы і Брытаніі абмяркуюць супольнае процідзеянне расейскай дэзынфармацыі
2- 21.06.2018, 11:44
- 6,973
Асноўная ўвага будзе накіраваная на барацьбу з прапагандай РФ у краінах «Усходняга партнёрства».
Сёння кіраўнікі МЗС і міністэрстваў абароны Польшчы і Вялікай Брытаніі сустрэнуцца ў Геленове пад Варшавай на кансультацыі, каб абмеркаваць супрацьдзеянне дэзынфармацыі Расеі, паведамляе прэс-служба польскага МЗС.
"Важным прадметам увагі суразмоўцаў будзе інтэнсіфікацыя супрацоўніцтва ў сферы процідзеяння расейскай дэзынфармацыі ў краінах Усходняга партнёрства", – гаворыцца ў паведамленні.
Міністры абароны таксама абмяркуюць магчымасці актывізацыі абароннага супрацоўніцтва, у тым ліку супольных вайсковых прадпрыемстваў і супрацоўніцтва абаронных галінаў.