Названыя 10 галоўных прадуктаў ліпеня

Ліпень – адзін з самых шчодрых на ўраджай месяцаў, калі садавіну і ягады можна есці проста з галінкі або з градкі.

І ўсё, безумоўна, карыснае. Давайце абярэм тое, што больш за ўсё трэба менавіта вашаму арганізму, піша дыетолаг Таццяна Гадард для nv.ua.

Гародніна

Кабачок і цукіні блізкія і біялагічна, і складам. У іх шмат караціноідаў, напрыклад, карыснага для зроку бэта-караціну. Яшчэ ў кабачках ёсць рэдкія лютэін і зэаксанцін, таксама неверагодна карысныя для вачэй і галоўныя абаронцы ад катаракты. Пекцін з кабачкоў і цукіні перашкаджае развіццю рака, зніжае халестэрын і выводзіць з арганізма лішнюю вадкасць, спрыяльна ўплывае на працу страўнікава-кішачнага тракта. Кальцый, жалеза, магній і калій незаменныя для скуры, пазногцяў і валасоў, а таксама сэрца, пячонкі, галаўнога мозгу і цягліц.

Вітаміны групы В, халін і цынк важныя для падтрымання ідэальнай вагі, плюс кабачкі і цукіні маюць вельмі мала калорый. З іх можна рабіць на спецыяльнай тарцы смачныя агароднінныя спагеці і ўжываць замест традыцыйнай пасты.

Салодкі перац значна карыснейшы, чым вы думаеце. Ён незаменны пры цукровым дыябеце, заняпадзе сіл, бессані і дэпрэсіі, захворваннях сэрцава-судзіннай сістэмы і страўніка. Навуковыя даследаванні паказваюць, што салодкі перац — выдатны заспакаяльны сродак, ён паляпшае настрой, дапамагаючы арганізму выпрацоўваць сэратанін. Яго сок рэкамендуецца піць для здароўя валасоў і пазногцяў.

Гэты плод багаты на лікапін, прыродны антыаксідант, які амалоджвае і аздараўляе арганізм. А ў змяшчэнні аскарбінавага квасу, што запавольвае працэсы старэння і ўмацоўвае імунітэт, перац перасягае чорныя парэчкі і лімон. Карысны ён таксама як прафілактыка астэапарозу і анкалагічных захворванняў, паляпшае страваванне.

Памідоры — яшчэ адзін цудадзейны сродак для прафілактыкі сэрцава-судзінных захворванняў і рака дзякуючы змяшчэнню ў іх лікапіну. Вялікі плюс, што лікапін пры тэрмічнай апрацоўцы, адрозна ад большасці іншых карысных рэчываў, не разбураецца. А сырыя таматы лепш есці ў салатах з алівай або іншымі алеямі — так лікапін лепш засвоіцца.

Таксама ў памідорах ёсць аскарбінавы квас, калій, магній, цэлы комплекс караціноідаў ды іншых найкарысных рэчываў. Даведзена таксама, што таматы дапамагаюць выпрацоўваць сэратанін, або гармон шчасця. Таму іх рэгулярнае ўжыванне паляпшае настрой і дапамагае эфектыўна змагацца са стрэсам.

Ягады

Парэчкі ўсіх колераў — скарбніца карыснага. У гэтых ягадах змяшчаецца вялікая колькасць вітаміну С (асабліва ў чорных парэчках), які абараняе ад старэння, патрэбнага для выпрацоўкі калагену і ўмацавання імунітэту. У гэтым сэнсе чорныя парэчкі - адзін з харчовых лідараў. Багатыя ягады і на фосфар, жалеза, калій, карысныя для сэрца, зніжаюць цукар у крыві.

Чорная парэчкі павышаюць імунітэт і супраціўляльнасць арганізма розным захворванням, даюць прыліў сіл. Узвары з ягад чорнай парэчкі дапамагаюць пры малакроўі, гіпертаніі, крывацёку дзясен, язве страўніка і дванаццаціперснай кішкі, гастрыце.

Галоўная каштоўнасць чырвоных парэчак — ёд, а ў змяшчэнні жалеза яны перасягаюць большасць пладоў. Тут таксама багацце кумарынаў, якія засцерагаюць ад тромбаў ды інсультаў.

Белыя парэчкі багатыя на вітамін Е — эліксір маладосці. Ён запавольвае працэсы старэння, засцерагае ад катаракты, паляпшае рэпрадукцыйную функцыю арганізма. Вітаміны групы В удзельнічаюць у сінтэзе тлушчаў і бялкоў, якія ўмацоўваюць судзіны галаўнога мозгу і нэрвовую сістэму, паляпшаюць памяць.

Чарніцы, перш за ўсё, карысныя для зроку. Даведзена, што для здароўя вачэй дарослага чалавека нормай лічыцца паступленне з прадуктамі харчавання штодзень 50-150 мг антацыянаў. Такая колькасць гэтых рэчываў змяшчаецца ў 15-20 г свежых чарніц. Арганічныя квасы ягад нармалізуюць мікрафлору кішачніка, абмен рэчываў. Ягады змяшчаюць пекцін, які звязвае солі цяжкіх металаў, што забяспечвае высокі дэтокс-эфэкт. А гэта прыгажосць, здароўе і маладосць.

Флавоноіды-антацыяны чарніц валодаюць гіпаглікемічных эфэктам, што дазваляе ўжываць ягады пры цукровым дыябеце і ўключаць іх у розныя процідыябетычныя комплексы. Вітаміны і мінералы ягад мацуюць імунітэт і нэрвовую сістэму, насычаюць энергіяй і дораць выдатны гумор.

Ажыны дапамагаюць пры бессані, падвышанай узбуджальнасці, разладзе органаў стрававання, клімаксе. Гэтыя ягады мацуюць імунітэт, аднаўляюць парушаны абмен рэчываў. Поліфенольныя злучэнні — прафілактыка ракавых захворванняў, абарона ад старэння. А катэіны зніжаюць узровень цукру ў крыві і ўзровень халестэрыну, знішчаюць шкодныя бактэрыі.

Ажыны змяшчаюць шмат калію і жалеза, таму іх рэкамендуюць ужываць хворым на сэрца і гіпертонікам. Яны прыводзяць электралітычны баланс арганізма ў норму, пазбаўляюць ад апухласці і нармалізуюць артэрыяльны ціск.

З дапамогай ажын лечаць цыстыт, ягады рэгулююць кісласць мачы, каб у нырках не ўтвараліся пясок і камяні. Гэтак жа ажыны разганяюць жоўць, не даюць ёй застойвацца, перашкаджаюць з'яўленню камянёў.

Ажыны робяць паслабляльнае дзеянне, аздараўляюць кішачнік, лечыць хранічныя язвы і запаленні. Яшчэ адна цудоўная ўласцівасць ягад — павышэнне гемаглабіну.

Ажыны актыўна выкарыстоўваецца і ў касметалогіі. Ажынавыя маскі надаюць скуры свежасць і дапамагаюць разгладзіць дробныя маршчакі. Экстракт ажын выкарыстоўваецца касметолагамі ў лячэнні дэрматыту, раздражнення, экзэмы ды іншых скурных захворванняў.

Агрэст багаты на каштоўныя вітаміны A, групы B, C, PP, E, а таксама кальцый, калій, магній, жалеза. Ён карысны пры гіпертаніі, атэрасклерозе, хваробах нырак, пячонкі і мачавога пухіра, хранічнай зацвердзі, клімактэрычным крывацёку. Агрэст нармалізуе абмен рэчываў, змагаецца з захворваннямі страўнікава-кішачнага тракту.

Яго плады валодаюць проціпухлінным, супрацьзапаленчым, мачагонным, жаўцягонным дзеяннем.

Сок агрэсту выводзіць з арганізма солі цяжкіх металаў і палягчае стан людзей, якія падпалі пад уздзеянне радыяцыі, выводзіць з арганізма радыенукліды. У гэтых ягадах таксама ёсць рэчывы, якія спрыяюць выпрацоўцы сэратаніну, таму агрэст паляпшае настрой.

Садавіна

Персік змяшчае калій, карысны для сэрца, і нармалізуе абмен рэчываў. Тандэм фосфару і калію паляпшае памяць і працаздольнасць, працу судзін мозгу, дапамагае зняць нэрвовае напружанне. Таксама плод варта ўжываць пры паніжанай кісліннасці, для аздараўлення кішачніка і стымуляцыі скарачэнняў жоўцевага пухіра, пры падагры, раматусе, захворванні нырак.

Персік паляпшае дзейнасць страўнікава-кішачнага тракту, дапамагае змагацца з анэміяй і гастрытам. Гэта выдатны мачагонны і паслабляльны сродак, які да таго ж абараняе ад інфекцыйных захворванняў і авітамінозу, зніжае ўзровень «дрэннага» халестэрыну ў крыві.

Персікі паляпшаюць жыўленне скуры, утрымліваюць вільгаць у каморках, засцерагаючы ад маршчакоў. А пах гэтага духмянага плода — выдатны антыдэпрэсант.

Абрыкос — скарбніца калію, патрэбнага для сэрцава-судзіннай сістэмы. Не выпадкова жыхары племя хуанзаў у Гімалаях, меню якіх багатае на абрыкосы і курагу, жывуць да 120 гадоў. Раз солі калію валодаюць і мачагонным дзеяннем, то плады карысныя і пры хваробе нырак. Жалеза і злучэнні ёду - выдатная прафілактыка захворванняў шчытападобнай залозы, а пекцін выводзіць з арганізма таксічныя прадукты абмену і шкодны халестэрын.

Абрыкосы карысныя пры зацвердзі, выдатна выводзяць таксіны. А яшчэ гэты плод насычаны вітамінам А (рэтынолам). Дастаткова ўсяго 300 грамаў абрыкосаў, каб папоўніць дзённую норму вітаміну А ў арганізме. Ён карысны для зроку, імуннай сістэмы, лечыць практычна ўсе скурныя захворванні і стымулюе выпрацоўку калагену.

Вітамін A з'яўляецца магутным антыаксідантам, валодае антыканцэрагеннымі ўласцівасцямі і нават забівае каморкі рака. Гэта значыць, абрыкос — не толькі адзін з самых смачных, але і карысных летніх пладоў.