З'явілася першае відэа выратавальнай аперацыі ў Тайландзе
- 8.07.2018, 20:53
- 16,058
Некалькі тэлеканалаў апублікавалі першыя кадры з месца правядзення выратавальнай аперацыі ў Тайландзе.
З'явіліся відэазапісы з Тайланда, дзе мясцовыя ратавальнікі і замежныя дайверы праводзяць складаную аперацыю для выратавання чальцоў школьнай футбольнай каманды з затопленай пячоры. Карэспандэнтка «ВВС» у сваім twitter апублікавала кадры, на якіх бачны аўтамабіль хуткай дапамогі, які ад'язджае ад палявога лагер, піша РБК.
Аперацыя доўжылася некалькі гадзін да наступлення цемры. Таму першыя аўто хуткай дапамогі сталі пакідаць палявы лагер яшчэ засветла.
Now we have an ambulance pulling up towards the cave again pic.twitter.com/t5Xktz7ASs
— Helier Cheung (@HelierCheung) 8 июля 2018 г.
Вядома, што першымі з пячоры эвакуявалі тых школьнікаў, хто страціў больш за ўсё сіл за час вымушанага знаходжання ў няволі. Дайверы дапамагалі ім прабрацца праз невялікія галерэі, затопленыя вадой - адзіны шлях вонкі.
A second ambulance has just come out pic.twitter.com/RE25TVNWMs
— Helier Cheung (@HelierCheung) 8 июля 2018 г.
Група з 12 падлеткаў і іх трэнер прапалі без вестак 24 чэрвеня ў пячоры Кхао Луанг на тэрыторыі запаведніка «Понг Пха» ў Тайландзе. Праз два дні пачалася выратавальная аперацыя, аднак толькі ў нядзелю першых дзяцей паднялі вонкі.
