У Расеі камуналка можа падаражэць у 50 разоў

Сумы ў плацяжах падскочаць у разы праз рэформы.

Смеццевая рэформа, ініцыяваная ў Расеі летась, можа прывесці да радыкальнага павышэння платы за вываз бытавых адкідаў, піша finanz.ru.

Сумы ў выплат падскочаць у разы, у асобных рэгіёнах у 30-50 раз, паведаміў у чацвер старшыня Камітэта Дзярждумы ў экалогіі і ахове навакольнага асяроддзя Уладзімір Бурматаў.

З ягоных слоў, рэформа «ставіць Расею ў адзін шэраг з самымі развітымі краінамі», але яе рэалізацыя буксуе.

«Напрыклад, абавязалі ўзгадняць з грамадзянамі тэрытарыяльныя схемы размяшчэння адходаў. Пры гэтым пасля праведзенага намі маніторынгу стала відавочна, што ў сувязі са зменамі вырасце сума тарыфаў рэгіянальных аператараў у абыходжанні з цвёрдымі камунальнымі адкідамі», - цытуе Бурматава «Парламентская газета».

«Мы аналізавалі звесткі для сям'і з трох чалавек, якая пражывае ў трохпакаёвай кватэры. Дык вось, у некаторых рэгіёнах для такой сям'і плата можа вырасці ў дзясяткі разоў і скласці блізу 13 тысяч рублёў», - адзначыў дэпутат.

З ягоных слоў, напрыклад, у Ямала-Ненецкай аўтаномнай акрузе плата можа вырасці ў 33 разы, у Інгушэціі - у 18,5 разоў, у Курганскай вобласці - у 8 разоў, у Рэспубліцы Комі - у 5 разоў. Дэпутат дадаў, што вынікі маніторынгу будуць перададзеныя ў ФАС.

Цяпер ніхто не ўзгадняе з грамадзянамі тэрытарыяльныя схемы размяшчэння адходаў, пры тым, што гэта запісана ў законе, і за паўгода на гэтыя мэты ў рэгіёны было выдзелена блізу 500 млн рублёў, распавёў Бурматаў: «Кажуць, што ў іх няма неабходнага падзаконнага акта ўрада».

«Праз тыдзень мы правядзём у Дзярждуме нараду з праблемнымі рэгіёнамі, якія не праводзяць працу ў рамках закона, а ў пачатку кастрычніка ў Чувашыі - форум на тэму ўтылізацыі адходаў. У канцы гэтага года ў Дзярждуме павінны адбыцца парламенцкія слуханні па праблеме смеццевай рэформы і растлумачаць, чаму яна буксуе ў рэгіёнах», - дадаў кіраўнік думскага камітэта.