Лідар фонду, на мерапрыемстве якога забілі мэра Гданьска, сышоў у адстаўку

Ежы Аўсяк выступіў з заявай.

Кіраўнік Фонду Вялікага аркестра святочнай дапамогі Ежы Аўсяк, на мерапрыемстве якога смяротна паранілі мэра Гданьска Паўла Адамовіча, абвясціў пра адстаўку з пасады старшыні.

Пра гэта паведамляе «Польскае радыё».

Са слоў Аўсяка, гэта пастанова з'яўляецца выразам пратэсту супраць мовы нянавісці.

«Нянавісць, таксама і ў мой бок, у бок фонду, палае ўжо 25 гадоў. Я вяду баі з людзьмі, якія гэтак жа мне пагражаюць. Я дзякую ўсім, хто быў разам з намі, дзякуй за выключны фінал. Мы не здаёмся» - сказаў ён.

Аўсяк падкрэсліў, што пакідае пасаду кіраўніка фонду, аднак супрацоўніцтва з арганізацыяй не завершыць.

Паўла Адамовіча ўдарылі нажом падчас мерапрыемства збору сродкаў, арганізаванага Вялікім аркестрам Каляднай дабрачыннасці. Яго шпіталізавалі ў вельмі цяжкім стане з колата-рэзанымі ранамі сэрца, дыяфрагмы і брушной поласці.

Нападніка затрымалі. Гэта 27-гадовы жыхар Гданьска, які адбываў пакаранне за злачынства «супраць жыцця і здароўя».

14 студзеня Адамовіч памёр у бальніцы.