Настаўніка «Гомеля» звольнілі праз дзень пасля крытыкі Федэрацыі хакея Беларусі
3- 18.01.2019, 18:44
- 13,068
Алег Хмыль не стаў каментаваць сітуацыю.
ХК "Гомель" адхіліў ад працы галоўнага трэнера каманды Алега Хмыля. Настаўніка не было на размінанні "Гомеля" перад матчам з "Юнацтвам".
Сам спецыяліст каментаваць сітуацыю не стаў, паведамляе by.tribuna.com.
Алег Хмыль - пра крах у Супэрфінале Кантынентальнага кубка: у падсвядомасці было такое, што цяжка з гэтым складам нешта паказаць
На мінулым тыдні "Гомель" узяў удзел у Кантынентальным кубку. "Рысі" саступілі тры матчы з агульнай розніцай 2:18 і занялі апошняе месца.
У чэмпіянаце Беларусі "Гомель" займае пятае месца, на 21 бал астаючыся ад чацвёртага маладзечанскага "Дынама" пры трох гульнях у запасе.
Нагадаем, раней Алег Хмыль скрытыкаваў Федэрацыю хакея Беларусі.