11 снежня 2019, Серада, 9:57
Засталося зусім крыху
Рубрыкі

КДБ раскрыў карупцыйную схему на лікёра-гарэлачных заводах у Менску і абласных гарадах

37
КДБ раскрыў карупцыйную схему на лікёра-гарэлачных заводах у Менску і абласных гарадах
ІЛЮСТРАЦЫЙНАЕ ФОТА

Відэа з'явілася ў выпусках навін на каналах БТ.

Паведамляецца, што КДБ раскрыла карупцыйную схему ў алкагольнай галіне. Распачатыя 8 крымінальных спраў. Чацвёра фігурантаў утрымліваюцца пад вартай, паведамляе «Салідарнасць».

У сюжэце на канале «Беларусь 1» адзначаецца, што аперацыі затрымання са здабыткам праводзіліся адначасова ў сталіцы, Віцебскай і Менскай абласцях. У эфіры паказалі кадры, на якіх бачна, як хабары перадаваліся асабіста кіраўніку завода ў Чашніках і генеральнаму дырэктару Віцебскага завода «Прыдзвінне».

Пад крымінальныя справы трапілі таксама топ-мэнэджары завода «Менск Крышталь Груп» - іх затрымалі з довадамі злачынства.

Распачатыя крымінальныя справы ў дачыненні да галоўнага тэхнолага Дзятлаўскага лікёрагарэлачнага завода і намесніка дырэктара Пінскага вінаробнага завода.

Паводле інфармацыі КДБ, фігуранты прызналіся ў зробленым і супрацоўнічаюць са следствам.

На БТ расказалі, што два бізнэсоўцы лабіравалі за хабар інтарэсы сваіх камерцыйных кампаній. За грашовае ўзнагароджанне вырашалі задачы паставак прэпаратаў, інгрэдыентаў і абслугоўвання абсталявання. Службовыя асобы прадпрыемстваў алкагольнай прамысловасці атрымлівалі за садзейнічанне ад 500 да 15 тысяч даляраў у залежнасці ад сумы кантракту.

Са спасылкай на прэс-службу ўрада ў эфіры растлумачылі, што звальненне кіраўніка канцэрна «Белдзяржхарчпрам» Аляксандра Забела і гендырэктара «Менск Крышталь Груп» Станіслава Іадыса звязана з выяўленымі фактамі карупцыі на падведамных ім прадпрыемствах.