У Менску на Кальварыйскай гарэла «Карона»

(Абноўлена) З вокнаў гіпермаркета ішлі клубы дыму.

25 кастрычніка а 20.30 сталі паступаць паведамленні ад чытачоў аб задымленні ў гандлёвым цэнтры «Карона» на вуліцы Кальварыйскай у Менску.

Відавочцы паведамілі, што з гандлёвага цэнтра эвакуіравалі наведвальнікаў.

Калі ратавальнікі прыбылі на месца, з памяшкання ішоў дым.

Афіцыйная прадстаўніца Менскага гарадскога ўпраўлення МНС Марына Фанда распавяла tut.by, што ў краме загарэлася печ. Узгаранне ліквідавалі.

«20:40 усё ліквідавана. Печка ў хлебабулачным цэху. Спрацавалі сістэмы абвесткі і пажаратушэння: усе пакінулі будынак, шкода будзе мінімальнай. Пацярпелых няма», - паведамілі ў прэс-службе МНС.