Фотафакт: Жыхарка Ліды знайшла азбуку, якой больш за 100 гадоў
5- 6.10.2019, 21:55
- 19,966
У вясковым бабуліным доме ёй на вочы трапілася невялікая кніжыца.
На ёй вялікімі літарамі напісана - «Азбука». З яе патрапанага і пажоўклага ад часу стану было зразумела, што выданне старое, піша сайт newgrodno.by.
У алфавіце яшчэ ёсць «яць», «фіта» і «і» (у 1918-м на змену ім прыйшлі «е», «ф» і «и»). Тут усё літары дзеляцца на «лёгкія» і «цяжкія» - гэта значыць, на галосныя і зычныя.
Нягледзячы на тое, што гэтая старая азбука папросту змесціцца на далоні, яе змест дужа разнастайны. Унутры яе - лінейныя малюнкі і чарцяжы, пропісь і практыкаванні для чытання, павучальныя байкі і вершы, малітвы і пропаведзі, табліца множання...
Але галоўны інтарэс у тым - колькі ж гадоў гэтай азбуцы? Зношаныя краі старонак не дазваляюць устанавіць дакладную дату выхаду. Але затое выразна відаць, што ў свет выйшла яна ў друкарні Таварыства Сыціна. Менавіта тут у 1883 годзе ўпершыню была выдадзеная гэтая «Найноўшая поўная расейская азбука», а далей рэгулярна перавыдавалася аж да 1918 года. Асобнік жа, які апынуўся ў руках Святланы, выйшаў у свет дакладна раней за 1910 год.
Нягледзячы на мільённыя ў сукупнасці наклады гэтай азбукі, да нашых дзён дайшлі лічаныя яе асобнікі. І яны з'яўляюцца вялікай рэдкасцю!