Гэта вельмі дрэнны сігнал для Крамля

ЗША пашыраюць магчымасці санкцыйнага ціску.

Трамп падпісаў закон аб «пякельных санкцыях» імя Грэма, і галоўнае наваўвядзенне гэтага закона заключаецца ў тым, што санкцыі ЗША могуць прымяняцца не толькі супраць Расіі

Яны таксама могуць прымяняцца супраць трэціх краін, якія падтрымліваюць расійскую армію праз гандаль. Вядома, цяжка ўявіць, што Трамп увядзе стапрацэнтныя мытныя пошліны супраць усіх краін, што набываюць расійскія энерганосьбіты. Гэта азначала б неадкладную эканамічную вайну, напрыклад, з Кітаем або Індыяй. Аднак Трамп напэўна будзе выкарыстоўваць гэты закон у сваіх палітычных мэтах, каб запалохваць любую краіну, якая, на яго думку, дапамагае РФ абыходзіць санкцыі.

Аднак найважнейшае ў гэтым законе — тое, што ён дэманструе рэальныя настроі ў амерыканскай палітыцы. І гэта значна важней за тое, што адбываецца ў галаве Трампа. Бо гэтыя агульныя настроі — не на карысць Расіі. Дэмакраты даўно крытыкуюць Трампа за занадта спрыяльнае стаўленне да Пуціна, а ўнутры Рэспубліканскай партыі паступова ўзмацняюць свой уплыў не прыхільнікі MAGA, а класічныя рэспубліканцы, якія добра памятаюць традыцыі Рэйгана і ведаюць, як трэба размаўляць з «імперыяй зла».

І пакуль у асобных еўрапейскіх краінах набірае абароты папулісцкая дыскусія пра скарачэнне падтрымкі Украіны, у ЗША і рэспубліканцы, і дэмакраты выступаюць за ўзмацненне ціску на Расію. І гэта — нягледзячы на падкрэслена мірную рыторыку Трампа.

Гэта тэндэнцыя ў пакуль што самай уплывовай краіне свету будзе толькі мацнець. Асабліва пасля выбараў у Кангрэс, на якіх дэмакраты могуць атрымаць кантроль прынамсі над Палатай прадстаўнікоў.

Гэта будзе вымушаць Трампа дэманстраваць больш жорсткую палітыку ў дачыненні да Расіі. Нават калі яму і далей будзе здавацца, што ўсё ў свеце вырашаецца толькі грашыма. І нават калі яму вельмі захочацца памарыць пра тое, што гэтыя грошы ён зможа зарабіць разам з «сябрам Уладзімірам».

Сяргей Таран, Facebook

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com