Капітан быў п'яны: у Паўднёвай Карэі расейскі сухагруз урэзаўся ў мост

Перад гэтым карабель сутыкнуўся з круізным лайнерам.

Грузавое судна Seagrand, якое рухалася пад расейскім сцягам, урэзалася ў мост у паўднёвакарэйскім партовым горадзе Пусан, паведамляе «Новая газета» са спасылкай на агенцтва «Ренхап».

У выніку аварыі пашкоджанні атрымалі і само судна, і мост, аднак інфармацыі аб пацярпелых у выніку здарэння няма. Цяпер частка моста зачыненая для праезду транспарту.

Мясцовая марская паліцыя дапытала маракоў і ўстанавіла, што капітан судна - грамадзянін Расеі - у момант сутыкнення знаходзіўся ў стане алкагольнага ап'янення. Цяпер паліцыя высвятляе, ці знаходзіўся ён у штурвала ў момант аварыі. Таксама аказалася, што за 40 хвілін да сутыкнення з мостам судна ўрэзалася ў круізны лайнер, прышвартаваны ў тым жа порце.

Паводле звестак СМІ, расейскі сухагруз Seagrand прыбыў у Пусан у сераду, дзе выгрузіў 1495 тон жалезных труб, а на наступны дзень вылучыўся ва Уладзівасток.

«Мы ў курсе здарэння, але пакуль не атрымалі ад паўднёвакарэйскіх уладаў афіцыйнага паведамлення», - пракаментавалі інцыдэнт у расейскім консульстве.