Якім будзе надвор'е на пачатку тыдня

Заўтра ўдзень чакаецца цёплае надвор'е.

Воблачна з праясненнямі і да 11 градусаў цяпла чакаецца ў Беларусі 15 красавіка, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Паводле звестак сіноптыкаў, найбліжэйшыя дні будзе воблачна з праясненнямі. Уначы на паўночным усходзе краіны і ўдзень месцамі пройдуць невялікія дажджы, магчымы мокры снег.

Вецер чакаецца паўночна-ўсходні, уначы слабы, удзень парывісты. Тэмпература паветра ўначы складзе ад мінус 4 да плюс 2 градусаў. Удзень слупок тэрмометра падымецца да 3-8 градусаў цяпла, на паўднёвым захадзе Беларусі - да плюс 11 градусаў.