Курс біткойна ўзляцеў на 20%

Гэта найлепшы старт самай запатрабаванай сусветнай крыптавалюты з 2012 года.

З пачатку 2020 года курс біткойна ўзляцеў на 20 адсоткаў - гэта найлепшы старт самай запатрабаванай сусветнай крыптавалюты з 2012 года, піша lenta.ru са спасылкай на Bloomberg.

Паводле стану на 14 студзеня курс біткойна, які таннеў з ліпеня, падняўся вышэй за 8,6 тысячы даляраў. Цяперашні рост здарыўся пасля працяглага зніжэння, распачатага ў кастрычніку.

У апошні раз крыптавалюта знаходзілася на цяперашнім узроўні ў лістападзе. Кіраўнік у развіцці бізнэсу на крыптабіржы Luno Віджай Айяр (Vijay Ayyar) назваў рост чаканым праз запуск новых біржавых інструментаў на біткойне. Ён падкрэсліў, што большасць людзей лічаць рост пачаткам новага доўгатэрміновай тэндэнцыі.

На яго думку, крыптавалюта будзе моцна мяняцца ў цане, калі толькі не праб'е ўзровень у 9,5 тысячы даляраў, максімум мінулага года.

У 2019 годзе рост біткойна звязвалі з аптымізмам інвестараў на фоне анонсу Facebook аб запуску сваёй крыптавалюты. Але калі праект сутыкнуўся з сур'ёзным процідзеяннем урадаў некалькіх краін, у тым ліку ЗША, агульны інтарэс да крыптавалют пайшоў на спад.

За дзесяць гадоў курс біткойна вырас на дзевяць мільёнаў адсоткаў. У пачатку мінулага дзесяцігоддзя за адзін біткойн давалі 0,08 даляра, 31 снежня 2019 года ён каштаваў 7 210 даляраў. На максімальны ўзровень крыптавалюта ўзляцела ў канцы 2017 года. Тады за біткойн давалі амаль 20 тысяч даляраў, а некаторыя экспэрты прадказвалі рост да 50 тысяч.