Чаму ў Беларусі адключылі тэлеканал ТНТ?

Не змаглі дамовіцца.

МТІС (Менскія тэлевізійныя інфармацыйныя сеткі) перасталі трансляваць тэлеканал ТНТ International.

Намеснік дырэктара МТІС Яўген Ніканкін патлумачыў tut.by, чаму гэта адбылося і абнадзеіў: імавернасць, што ТНТ у гэтым годзе вернецца - вельмі высокая.

- Дамова скончылася, гэта праўда. З кожным каналам дамова заканчваецца практычна кожны год. Яе павінны падаўжаць ці не.

- А хто быў ініцыятарам непадаўжэння дамовы: МТІС або ТНТ?

- Не было ініцыятывы непадаўжэння. Мы проста не дамовіліся з каналам на наступны перыяд, і ўсё.

- Ёсць шанец, што ТНТ вернецца?

- Не люблю даваць абяцанні. Па-першае, шанцы ёсць ва ўсіх. Па-другое, пытанне не ў кантэнце. Тут - двухбаковыя дачыненні. Мы працуем над гэтым пытаннем і сёння. Працэс не вельмі просты, ёсць розныя нюансы. Прыкладу максімум намаганняў, каб дамовіцца.

Скажу так: імавернасць, што ТНТ у гэтым годзе вернецца - вельмі высокая. Можа быць, гэта адбудзецца нават праз месяц. Зразумела, што ён ніяк не вернецца праз два-тры дні. Ёсць працэдуры, якія немагчыма ажыццявіць у кожны момант.

- На частаце 402 Мгц, якую раней займаў ТНТ International, з 1 студзеня з'явіўся тэлеканал KVARTAL TV. ТНТ давядзецца шукаць іншую частату?

- KVARTAL TV застанецца ў сетцы МТІС у кожным выпадку. Зваротнай замены не адбудзецца. Але найперш трэба дасягнуць дамоўленасці з ТНТ, а ўжо затым вызначыцца з варыянтамі замены. У нас да апошняга быў варыянт, звязаны з адным каналам. Але паколькі мы не дамовіліся з ТНТ, гэты канал застаўся ў сетцы. Пакуль не буду называць яго назву.