Уладальнік кватэры на Партызанскім праспекце расказаў драбніцы інцыдэнту з лукашыстамі

Ля пад'езда менчука пад вечар сабралася з дзясятак неабыякавых менчукоў.

Абнаўленне інфармацыі аб кватэры ў доме на Партызанскім, 19, дзе раней паведамлялася аб пабітай шыбе.

Гаспадар Станіслаў цяпер дома, ён супакойвае менчукоў - шыбу кватэры не разбівалі, паведамляе tut.by.

Удзень да дома пад'ехалі мікрааўтобусы з невядомымі, яны зайшлі ў пад'езд і пачалі кагосьці шукаць. Гаспадар у гэты момант быў на дварэ.

Убачыўшы міліцыянтаў, ён таксама зайшоў у пад'езд, выявілася, што тыя прыйшлі да ягонай кватэры і сказалі адамкнуць дзверы. Яны сцвярджалі, што шукалі чалавека з камерай.

Станіслаў адамкнуў дзверы; не знайшоўшы нікога ў кватэры, людзі вылезлі з ягонага акна на стрэшку, ссунуўшы маскітную сетку, дзеля чаго здавалася, што шыба разбітая. Яны пахадзілі па стрэшцы, а затым выйшлі з ягонай кватэры.

Ля пад'езда Станіслава пад вечар сабралася з дзясятак неабыякавых менчукоў. Яны былі ахвочыя скласціся на новую шыбіну.