Лекару Марадоны выставілі абвінавачванне ў ненаўмысным забойстве
7- 29.11.2020, 21:37
- 26,254
У Аргентыне распачалі крымінальную справу паводле факту смерці футбаліста.
Пракуратура Аргенціны выставіла абвінавачванне ў справе аб смерці футбаліста Дыега Марадоны ягонаму асабоваму лекару 39-гадоваму Леапольду Луке.
Пра гэта паведамляе «Новое время» са спасылкай на тэлеканал Todo Noticias.
Медыка падазраюць у ненаўмысным забойстве, ненаданні дапамогі і адпусканні хворага без нагляду. Расследаванне пачалі пасля сведчанняў дачок Марадоны, якія засумняваліся ў дзеяннях і кваліфікацыі Луке і папрасілі даведацца пра падрабязнасці аб лячэнні і прэпаратах, прызначаных футбалісту на працягу апошніх тыдняў.
Паліцыя правяла ператрусы ў доме і працоўным кабінеце лекара ў рамках расследавання. Адтуль канфіскавалі мабільныя тэлефоны, кампутары і медыцынскую дакументацыю, у тым ліку гісторыю хваробы Марадоны.