У ЗША атрыманыя новыя эфектыўныя лекі супраць каранавіруса
1- 6.11.2020, 21:50
- 25,275
Даследчыкі імунізавалі ламу фрагментам COVID-19.
Навукоўцы Медычнай школы Універсітэта Піцбурга ў ЗША распрацавалі новы метад атрымання магутных фрагментаў антыцелаў супраць каранавіруса SARS-CoV-2 з арганізма лам. Гэтыя малекулы могуць стаць асновай для распрацоўкі інгаляцыйных лекаў, якія прадухіляюць і лечаць COVID-19. Артыкул апублікаваны ў часопісе Science (пераклад - lenta.ru).
Даследчыкі імунізавалі ламу фрагментам бялка-шыпа (S-бялок) SARS-CoV-2, дзякуючы чаму праз два месяцы імунная сістэма жывёлы выпрацавала спелыя нанацелы супраць віруса. З дапамогай мас-спектраметрыі навукоўцы ідэнтыфікавалі нанацелы, якія мацней за ўсё звязваюцца з SARS-CoV-2. Падчас тэставання выявілася, што толькі доля нанаграмаў антыцелаў можа выратаваць мільёны клетак ад заражэння каранавірусам.
Новыя нанацелы з'яўляюцца найбольш эфектыўнымі сярод тэрапеўтычных антыцелаў-кандыдатаў супраць SARS-CoV-2 і ў сотні і тысячы разоў больш дзейснымі, чым іншыя нанацелы лам, выяўленых з дапамогай метаду фагаў дысплея.
Нанацелы могуць знаходзіцца пры пакаёвай тэмпературы на працягу шасці тыдняў і пераносіць ператварэнне ў аэразоль для дастаўкі прэпарата непасрэдна ў лёгкія. Паколькі SARS-CoV-2 належыць да рэспіраторных вірусаў, нанацелы могуць звязвацца з ім у дыхальнай сістэме, перш чым патаген паспее нанесці шкоду.