Студэнты Гарадзенскага ўніверсітэта заступіліся за выкладчыка

Валянціна Аскірку патрабуюць аднавіць і абвясціць яму падзяку.

Больш за 270 студэнтаў і выпускнікоў інжынерна-фізічных спецыяльнасцяў ГрДУ паставілі свае подпісы ў абарону Валянціна Аскіркі, паведамляе Telegram-канал «ГрДУ-Перамен».

Акрамя гэтага, падпісанты патрабуюць абвясціць Валянціну Аскірку падзяку за шматгадовую і добрасумленную працу, бо ён заслужыў павагу і ўдзячнасць студэнтаў і выпускнікоў.

Раней кіраўніцтва Гарадзенскага ўніверсітэта не працягнула кантракт са старшым выкладчыкам кафедры агульнай фізікі Валянцінам Аскіркам. З 3 снежня ён застаўся без працы.