Парашэнка: Зараз унікальны шанец прымусіць Пуціна сысці з Данбаса і Крыма
30- 25.06.2020, 21:54
- 37,735
Расейская эканоміка больш не здольная фінансаваць гэту «валізку без ручкі».
Глыбокі эканамічны крызіс у Расеі дае Украіне ўнікальны шанец разам з сусветнай супольнасцю прымусіць краіну-агрэсара сысці з акупаваных Крыма і Данбаса.
Пра гэта заявіў у інтэрв'ю Сяргею Жадану у эфіры валанцёрскай радыёстанцыі «Тризуб ФМ» пяты прэзідэнт Украіны Пятро Парашэнка, паведамляе zn.ua.
З яго слоў, для гэтага трэба не зазіраць у вочы прэзідэнту РФ Уладзіміру Пуціну, а ўмацоўваць міжнародную салідарнасць вакол Украіны.
«І на сённяшні дзень, калі ўпала цана нафты, калі ў Расеі глыбокі крызіс з 5 адсоткавым падзеннем ВУП, калі расейская эканоміка не здольная фінансаваць гэту «валізку без ручкі», - ёсць унікальны шанец умацаваць міжнародную салідарнасць і прымусіць Расею сысці з Данбаса і Крыма, выконваючы тыя абавязанні, якія былі падпісаныя пад агульным ціскам Нармандскага фармату, ЕЗ і амерыканскіх партнёраў», - перакананы Парашэнка.
Таксама ён уважае, што Пуцін разумее толькі мову санкцый, а нават самага малога жадання ўсталяваць мір у яго няма.