Мянчанка: Cергей Ціханоўскі ўскалыхнуў нашае грамадства

Улады недаацэньваюць сілы беларускага народа.

Сёння па ўсёй краіне прайшлі легальныя пікеты ў падтрымку Сяргея і Святланы Ціханоўскіх, а таксама іншых альтэрнатыўных кандыдатаў. У Менску збор подпісаў за Ціханоўскіх пачаўся а 12.00 на Камароўскім рынку.

Маладая жанчына на пікеце ў Менску звярнулася да 81-гадовай гарадзенкі, прыхільніцы Ціханоўскіх:

- Я падтрымліваю жанчыну з Гародні, якую схапіла КДБ. Гэта проста смешна. Яна прыйшла паставіць свой подпіс за Ціханоўскіх, а потым Вакульчык прыйшоў да Лукашэнкі і паказваў сваю тэчку. Гэта проста смешна. Распрацоўвайце вы гэтых людзей, якія ездзяць на крутых джыпах.

Галіна Піліпаўна, трымайцеся! Дзякуючы вам я тут. Мы думалі, што людзі такога ўзросту гэта электарат Лукашэнкі, але не. Дзякуй, што яны выказваюцца.

Асобная падтрымка і падзяка Сяргею Ціханоўскаму. Гэта ён ускалыхнуў наша грамадства і даў веру ў сябе. Тыя, хто робяць такія пасткі, недаацэньваюць сілы сацыяльных сетак.

Сайт Charter97.org вядзе онлайн-трансляцыю з легальных пікетаў па ўсёй Беларусі.