Навошта Путіну ядзерныя вучэнні з Беларуссю

Эксперт назваў тры мэты Крамля

Расія трымае пад сваім кантролем беларускую армію. Сумесныя ядзерныя вучэнні Крэмль можа выкарыстоўваць найперш для таго, каб запалохаць Еўрасаюз.

Пра гэта ў каментарыі «РБК-Украіна» заявіў кіраўнік Цэнтра супрацьдзеяння дэзінфармацыі Андрэй Каваленка.

Агрэсар выстаўляе сябе ахвярай

Каваленка звярнуў увагу, што інфармацыйна РФ выкарыстоўвае ядзерную зброю як патэнцыйную зброю нападу.

«У той жа час РФ скажае рэальнасць так, нібыта гэта вымушаная мера абароны. Яны спрабуюць ператварыць сябе з агрэсара ў ахвяру, і так ва ўсім», — дадаў ён.

Расія кантралюе армію Беларусі

Таксама, паводле яго слоў, з дапамогай ядзерных вучэнняў расійскі дыктатар Уладзімір Пуцін фактычна дэманструе, што Беларусь — гэта яго зямля, нягледзячы нават на ўсе спробы самазванага прэзідэнта Аляксандра Лукашэнкі «гуляць у шматвектарнасць» у кантэксце сваёй знешняй палітыкі.

Каваленка адзначыў, што РФ цалкам кантралюе беларускую армію праз «сваіх» людзей. У прыватнасці, міністр абароны РБ Віктар Хрэнін — цалкам прарасійскі чалавек, які скончыў Усурыйскае сувораўскае ваеннае вучылішча і Омскае вышэйшае агульнавайсковае каманднае вучылішча імя Фрунзэ.

У сваю чаргу сакратар Савета бяспекі Беларусі Аляксандр Вольфавіч з’яўляецца выпускніком Маскоўскага вышэйшага агульнавайсковага каманднага вучылішча. Ён — сябар начальніка Генштаба Узброеных Сіл РФ Валерыя Герасімава і памочніка кіраўніка Крамля Мікалая Патрушава.

Якія мэты ядзерных вучэнняў

Каваленка звярнуў увагу, што ў рамках ядзерных вучэнняў Крэмль фактычна выкарыстоўвае армію Беларусі для гібрыднай аперацыі па запалохванні краін ЕС ядзерным ударам.

Мэты такой аперацыі, на думку кіраўніка ЦПД, наступныя:

— стварэнне ў краінах ЕС страху;

— зніжэнне ўзроўню падтрымкі дзейных палітычных эліт у ЕС;

— павышэнне рэйтынгаў сіл, якія выступаюць за сяброўскія адносіны з Расіяй.

«Што да Украіны — гэта аперацыя малаэфектыўная для нашага грамадства», — падкрэсліў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com