Партыя Мэркель імкнецца запоўніць палову ключавых партыйных пасад жанчынамі

ХДС плануе ўвесці квоты для павелічэння прадстаўніцтва жанчын у кіраўніцтве палітычных сіл.

Партыя канцлеркі Ангелы Мэркель заявіла, што плануе ўвесці квоты для павелічэння прадстаўніцтва жанчын у кіраўніцтве палітычных сіл - калі план увасобяць у жыццё, да 2025 года палову ключавых партыйных пасад будуць займаць жанчыны.

Пра гэта паведамляе «Европейская правда» са спасылкай на Deutsche Welle.

Лідары кансерватыўных хрысціянскіх дэмакратаў (ХДС) у сераду ўхвалілі планы па ўвядзенні абавязковых квот для прадстаўніцтва жанчын на кіруючых пасадах партыі. Пры гэтым лідары партыі заявілі, што таксама абмяркоўваюцца магчымыя квоты для спісаў кандыдатаў на выбарах.

Хоць пакуль партыю ўзначальвае жанчына Анегрэт Крамп-Карэнбаўэр, і хоць партыя дала Нямеччыне сваю першую канцлерку Ангелу Мэркель, жанчыны складаюць толькі чвэрць яе сябраў.

Паводле дамоўленасці, з 1 студзеня 2021 года доля жанчын на кіруючых пасадах на акруговым узроўні будзе даведзеная да 30%. Да пачатку 2023 года яна будзе павялічаная да 40%, а паводле стану на 1 студзеня 2025 года - да 50%.

Прапанова ўсё яшчэ павінна быць адобрана сябрамі партыі падчас партыйнай канферэнцыі ХДС у снежні.

Крыніцы, знаёмыя з перамовамі, паведамілі агенцтву AFP, што выключэнне з абавязковых квот могуць быць зроблены, «калі не хопіць жанчын, каб балатавацца на пасаду».

Камісія пакуль не дасягнула пастановы, якая патрабуе квоты для кандыдатаў на мясцовых, еўрапейскіх і нацыянальных выбарах.