Пуцін знайшоў крайніх у няўдачах мабілізацыі ў Расеі
7- 5.10.2022, 20:52
- 23,184
У Крамлі спалохаліся незадаволенасці расейцаў.
Расейскі дыктатар Уладзімір Пуцін абвінаваціў урад у неналежным складанні ўказа аб частковай мабілізацыі ў РФ.
Пра гэта гаворыцца ў заяве Пуціна.
«Спачатку Міністэрства абароны паведаіла, што цэлы шэраг катэгорый нашых грамадзян няма неабходнасці набіраць у рамках мабілізацыі. Але адпаведных змен у нарматыўна-прававую базу своечасова не ўнеслі», - сказаў ён.
Таму, паводле ягоных слоў, у праекце ўказа, які прадставіў урад і Міністэрства абароны, не была ўлічаная першапачатковая пазіцыя самога Мінабароны.
"І даводзіцца ўносіць у гэты дакумент адпаведныя карэктывы", - дадаў ён.
Так, сёння Пуцін падпісаў указ аб адтэрміноўцы для студэнтаў аспірантуры, а таксама тых, хто навучаецца на праграмах ардынатуры і асістэнтуры-стажыроўкі.